خدمـات خاصة :   |  استرجاع كلمة المرور   |   طلب كود تفعيل العضوية   |   تفعيل العضوية   |   للإعلان   |  مركز التحميل







العودة   منتديات ينبع الصناعية > مدينة ينبع الصناعية > ارشيف مدينة ينبع الصناعية > منتديات عامة > ديوانية الاسرة > قضايا إجتماعية

قضايا إجتماعية يهتم بالاسرة والتغيير والتطور الاجتماعى

 
انشر الموضوع
 
أدوات الموضوع إبحث في الموضوع انواع عرض الموضوع
قديم 30-07-2008, 01:37 PM   #1
رعش قلبي
Author
 
الصورة الرمزية رعش قلبي
 
تاريخ التسجيل: Mar 2007
الدولة: Royal Commission
المشاركات: 2,093
رعش قلبي is on a distinguished road
Thumbs down قضية اجتماعية / حدثت معي في كلية ينبع الصنااعية

السلام عليكم ورحمة الله وبركاته

كيف الحال عساكم بخير

يا اخوان انا حصل لي موقف للحين اتذكره في كلية ينبع الصناعية قبل حوالي 6 اشهر
الحمدلله كان اخر ترم ونزل لي تطبيق عند الدكتور كساب الله يذكره بالخير وكنت السكرتير حقه
وكان يوم الاحد اجيه من 7 الصباح إلى 2 الظهر والمشكله ان مافيه بريك الا بريك ساعه الصلاه وكنت ما احب اكل هالوقت لان الكفتريا زحمه والمطعم اكله اللهم لك الحمد ما جاز لي
المهم كلمت الدكتور الساعه 11 وقلت له يا طويل العمر انا ودي افطر وارجع لك قال طيب يا ابني لك ربع ساعه ما تتاخرش قلت ابشر يا بعدي

رحت طاير وقتها الجوع ذبحنا للكفتريا وطلبت لي ساندوتشين من الجوع جيت ادور لي مكان اجلس كرسي ما حصلت
لكن حصلت طاوله فيها كرسيين وجالس فيها واحد ما اعرفه الله يذكره بالخير
طبعا قلت له بعد اذنك ما قصر الرجال قال تفضل

طبعا ما فكرت فيه انا مستعجل بديت افطر سالني وش ادرس والتخصص و و الخ
وقال لي وش انت منه ؟
يعني وش ترجع قلت له فلاني قال ماشاء الله وليه جيت هنا؟
طالعت فيه وانا متعجب من سؤاله الي ما ادري وش يبي قلت له ربي كتب لي اجي هنا انا والوالد
المهم قال الله يوفقك وكملت افطر
شوي ويقول تعرف ناس من قبيلة فلان
قلت ايه
قال والله شوف الفلانيه ذول حقين مصالح و و و و الخ
قلت له الصالح والطالح بكل مكان
وثاني شي رحم الله امرء عرف قدر نفسه ولا تتلحق الناس
المهم سكت وقال صح كلامك
ما امداني اكل ويقول ياخي الفلانيه من جد دايم يحبون المصالح
قلت له وش رايك تخليني افطر ما وراي الا ربع ساعه
قال بالعافيه
المهم خلصت فطور وقلت له يا فلان ترى هالكلام وهالسوالف ما لها محل عند العاقل
اهم شي روحك وما بيفيدك بهالزمن لا ابن العم ولا غيره

سكت الرجال وخذا بخاطره
بعد مده حصلته صدفه عند احد الاخوان
وهذا الاخ كان من القبيله الي انتقصها
المهم خوينا الي قابلته وانتقص مسوي نفسه اول مره يشوفني
المهم انا ابتسمت في وجهه وهو يعني ما اعرفك

وجا وقت اروح مع وقته
وما عنده سياره
قلت تعال معي وديته للسكن وجلست اسولف معاه
قلت اللحين قبل فتره تقول ..... الخ
واللحين اشوفك مع الرجال وهو من الفلانيه
قال انا ما قلت كلهم
ضحكت وقلت شكل مافيك حيله

رحت البيت قلت الله يستر لا يكون التحق رربعنا بعد نقرتين لعرض الصورة في صفحة مستقلة

هالمشكله منتشره في ينبع والطايف والرياض بكثرررره
يجيك الواحد يسلم واول سؤال
وش انت منه؟

يعني بالله وش تبي في الي انا منه ؟
وش نفعتك بهالسؤال

مدري لين متى وهالسبايك موجودين
والله يكون في العون

رعش قلبي متواجد حالياً  
قديم 30-07-2008, 03:03 PM   #2
لمعة الجليد
yanbu1star
 
الصورة الرمزية لمعة الجليد
 
تاريخ التسجيل: Dec 2006
الدولة: في قلوب المحبين
المشاركات: 6,589
لمعة الجليد is on a distinguished road
افتراضي

هالحكي خيووو ...

موجود بكل مكان مايصير نحصره في مدن معينه نقرتين لعرض الصورة في صفحة مستقلة

؛
؛
؛

وبعدين كل هالأمور تعتمد على أمرين ... مدى قوة
الإيمان .. ومدى وعي الشخص ...
؛
؛
؛
ان انعدم الإيمان ( مخافة الله ) والوعي فلنقل سلاماً سلاما ...

__________________
نقرتين لعرض الصورة في صفحة مستقلة
يابنت حزني مصطنعته صنيعه= ولاني من اللي يدعون الكآبه
واجهت فالدنيا عذاب وفجيعه= والوقت من كاسه سقاني عذابه
ياكم شفت من الجفا والقطيعه= والله بلاني بالهوى والصبابه
راح عمري حزن باول ربيعه= والود ماله محكمه أو نيابه
حفظت قدرك في منازل رفيعه=في منتدى متخصص ٍ في شبابه
لمعة جليد ولا جحدنا لميعه= والله رزقكي في لسانك خطابه
لن القلم حكمه وقلبك وديعه= بوح القلم يشهد بفن الكتابه
لاحرمك الله الجنة يا أستاذ خالد الأحمدي =
بنت الأدب ذات الصفات الرفيعه =في طيبها مافيه دعوة وجابه
ريشة قلمها والحروف البديعه=مابينها عشق وغرام وصبابه
حتى غدا الابداع فيها طبيعة=وأضفى عليها كبرياء ومهابه
لمعة جليد ودايماً فالطليعه=باسلوبها اللي مالقي له مشابه
لا حرمكَ الله الجنة يا أستاذ سالم البشري =
لمعة الجليد غير متواجد حالياً  
قديم 30-07-2008, 03:16 PM   #3
عزة نفسي
هيبـ:ًٍَْ‘ـهَہِ ملًـ’:ٍْك
 
الصورة الرمزية عزة نفسي
 
تاريخ التسجيل: Oct 2007
الدولة: ينـــبع الصنـــاعيه
المشاركات: 3,884
عزة نفسي is on a distinguished road
افتراضي

والله صادق يااخوي

في ناس تبي تهايط بس


عصبيه قبليه بشكل مو معقول

وعشان كذا القرار الجديد هذا راح يصدر قريبا

راح يشيلون اسم القبيله من بطاقة الاحوال

انا كنت معارض لهالقرار

ولكن بعد ماشفت وضع بعض المهايطيه عندنا

قلت زين خل يشيلونه

راح يحدون من نسبة التخلف بهالحل ان شاء الله


يعطيك العافيه رعش قلبي

نقرتين لعرض الصورة في صفحة مستقلة

__________________
يارواية البعد طولّتي=وفيك صورة قدر ساخِر
اقرا فصولك وبللّتي=خــدي ولاجيت للآخِر
عزة نفسي غير متواجد حالياً  
قديم 30-07-2008, 05:40 PM   #4
ابو المثنى
عضو ذهبي
 
الصورة الرمزية ابو المثنى
 
تاريخ التسجيل: Mar 2008
الدولة: ينبع البحر
المشاركات: 2,994
ابو المثنى is on a distinguished road
افتراضي

مشكور أخوي: رعش قلبي

على الموضوع الرائع والمهم


هو لابد الواحد يعتز بالقبيلته ولكن لايجرح القبايل الثانيه ويحترم كل قبيلة


أما النظام اللي يقول أنه لابد نشيل أسم القبيلة من بطاقة الأحوال فهذا ماأظن يطبقونه لأن القبايل تعارضه بشده .!!


أما المهايطه والأفتخار بالقبيله على حساب القبيلة الثانيه هذا مايجوز وهو حاصل في مجتمعنا الله المستعان .


بس الواحد لابد يعرف أن كان ذيب فالرجال ذيابه !!!!!!!

أسف على الإطاله

ابو المثنى غير متواجد حالياً  
قديم 31-07-2008, 08:40 AM   #5
زحفان
عضو ذهبي
 
الصورة الرمزية زحفان
 
تاريخ التسجيل: Jul 2007
المشاركات: 5,218
زحفان is on a distinguished road
افتراضي

قصتك حبيت أقسمها على جزئين


الجزء الأول

الغيبه والنميمه.. يعني اللي جلس معك قعد ينتقد قبيله كامله واعتقد ان كلامه كان من موقف شخصي صارله مع أحد أفراد القبيله وهو عممه على الكل!!








الجزء الثاني

الإهتمام الغريب بالقبائل.. يعني أوكيه أنا أفتخر بقبيلتي مافيها مشكله مثلا بقصيدي أمدحهم.. ولكن ماأسأل وأدور إنت يارعش قلبي من أي قبيله.. ولاابو المثنى انت من أي قبيله

يعني سؤال ماشوفله هدف يعني القبيله الفلانيه مخلوق غير القبيله الأخرى؟!!




&&&&&&&&&&&&&&&&&&&&&&&&&&&&&&&&&&&&&&&&&&









رعش قلبي.. مشكووور على الموضوع الرائع

ولايوووووووووووووقف

نقرتين لعرض الصورة في صفحة مستقلة

__________________
أنا لست أمير الذوق
زحفان غير متواجد حالياً  
 

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
عبدالعزيز بن ماجد يرعى حفل تخريج الدفعتيـن الـ 17 و 18 من كلية ينبع الصناعية almalk الخدمات التعليمية وهيئة التدريس - ينبع الصناعية 9 30-09-2010 11:55 PM
سمو الأميــر عبدالعزيـز بن مـاجد يفتتح يوم المهنـة الثالث عشر بكلية ينبع الصناعية almalk ارشيف الهيئة الملكية 7 07-06-2008 04:32 PM
فـتـح بـاب الـقـبـول فــي كــلية ينبع الجــامعية LAZAROLI الخدمات التعليمية وهيئة التدريس - ينبع الصناعية 4 07-06-2008 02:36 PM


الساعة الآن 12:14 AM

جامعة نجران

Website Traffic Tracking

الموقع حاصل على ترخيص وزارة الثقافة والإعلام

Powered by vBulletin® Version 3.8.6
Copyright ©2000 - 2020, Jelsoft Enterprises Ltd.

جميع المشاركات تعبر عن رأي أصحابها وليس بالضرورة رأي إدارة الموقع